Einaferð var tað : 15 føroysk ævintýr

Ævintýr, Dr. Jacobsen savnaði inn seinast í 19. øld, endursøgd í nútímans málbúna. Rithøvundar: Oddfríður M. Rasmussen, Arnbjørn Ó. Dalsgarð, Lydia Didriksen og Oddvør Johansen. Lesarar: Súsanna Tórgarð, Ria Tórgarð, Torkil Tórgarð, Gunnvá Zachariassen og Hans Tórgarð. Fløgur MP3: 1 Tíð: 3 tímar, 16 minuttir Útgávuár: 2019 (MP3)

Savn við 15 føroyskum ævintýrum, sum Dr. Jakob Jakobsen savnaði á ferðum sínum í Føroyum seinast í 19. øld. Hesi eru ævintýrini:

1. Vatndrýladrongurin – Oddfríður M. Rasmussen endursegði; Súsanna Tórgarð lesur
2. Krússapotturin – Arnbjørn Ó. Dalsgarð endursegði; Ria Tórgarð lesur
3. Kongaríki verðins endi – Lydia Didriksen endursegði; Torkil Tórgarð lesur
4. Risans klóta – Oddvør Johansen endursegði; Gunnvá Zachariassen lesur
5. Meistari yvir meistara – Oddfríður M. Rasmussen endursegði; Hans Tórgarð lesur
6. Øskudólgur – Arnbjørn Ó. Dalsgarð endursegði; Súsanna Tórgarð lesur
7. Vetil Kongssonur – Lydia Didriksen endursegði; Ria Tórgarð lesur
8. Snati – Oddfríður M. Rasmussen endursegði; Torkil Tórgarð lesur
9. Teir sjey svanirnir – Arnbjørn Ó Daslgarð endursegði; Gunnvá Zachariassen lesur
10. Tað gráa eslið – Lydia Didriksen endursegði; Hans Tórgarð lesur
11. Drongurin, sum fekk kongsdóttrina aftur frá sjótrøllinum – Lydia Didriksen endursegði; Súsanna Tórgarð lesur
12. Gullgásin – Arnbjørn Ó Dalsgarð endursegði; Ria Tórgarð lesur
13. Hin vakra og vitiga drotningin – Oddvør Johansen endursegði; Torkil Tórgarð lesur
14. Krákudóttir og Kalsdóttir – Oddfríður M. Rasmussen endursegði; Gunnvá Zachariassen lesur
15. Risin og bóndin – Oddvør Johansen endursegði; Hans Tórgarð lesur

Dr. Jakob Jakobsen var føddur í Havn 22. februar 1864. Hann gekk í realskúla og fór longu 13 ára gamal á Herlufsholm at ganga í skúla, har hann tók studentsprógv í 1883. Í 1891 tók hann embætisprógv í donskum sum høvuðsgrein og fronskum og latíni sum hjágreinum. Í 1897 gjørdist hann doktari við verki um norrønt mál í Hetlandi. Tó at teir ikki vóru á einum máli í málspurningum, samstarvaði Dr. Jakob Jakobsen nógv við V.U.Hammershaimb, málfrøðingi. Í 2014, tá 150 ár vóru síðani, at Dr. Jakob Jakobsen varð borin í heim, var hann heiðraður við nýggjari útgávu av nøkrum av ævintýrunum, hann hevur savnað, í nútímans málbúna. Bókin er nú komin út sum ljóðbók eisini.